دگرگوں جہاں ان کے زور عمل سے
دگرگوں جہاں ان کے زور عمل سے
بڑے معرکے زندہ قوموں نے مارے
دگرگوں: تبدیلی کی طرف گامزن۔
منجم کی تقویم فردا ہے باطل
گرے آسماں سے پرانے ستارے
منجم: ستاروں کا علم جاننے والا ۔
تقویم: ستاروں کے علم کی کتاب۔
ضمیر جہاں اس قدر آتشیں ہے
کہ دریا کی موجوں سے ٹوٹے ستارے
آتشیں: آگ سے بھرا۔
زمیں کو فراغت نہیں زلزلوں سے
نمایاں ہیں فطرت کے باریک اشارے
ہمالہ کے چشمے ابلتے ہیں کب تک
خضر سوچتا ہے ولر کے کنارے
