یہ دیر کہن کیا ہے، انبار خس و خاشاک
یہ دیر کہن کیا ہے، انبار خس و خاشاک
مشکل ہے گزر اس میں بے نالہ آتش ناک
نخچیر محبت کا قصہ نہیں طولانی
لطف خلش پیکاں، آسودگی فتراک
نخچير: شکار کیا ہوا پرندہ یا جانور۔
لطف خلش پيکاں: تیر لگنے کے درد کا مزا۔
آسودگي فتراک: شکار بند میں لٹک جانے کا سکون۔
کھویا گیا جو مطلب ہفتاد و دو ملت میں
سمجھے گا نہ تو جب تک بے رنگ نہ ہو ادراک
ہفتاد و دو: بہتّر
اک شرع مسلمانی، اک جذب مسلمانی
ہے جذب مسلمانی سر فلک الافلاک
فلک الافلاک:آسمانوں کا آسمان، یعنی عرش۔
اے رہرو فرزانہ، بے جذب مسلمانی
نے راہ عمل پیدا نے شاخ یقیں نم ناک
رمزیں ہیں محبت کی گستاخی و بے باکی
ہر شوق نہیں گستاخ، ہر جذب نہیں بے باک
فارغ تو نہ بیٹھے گا محشر میں جنوں میرا
یا اپنا گریباں چاک یا دامن یزداں چاک
