ہوا نہ زور سے اس کے کوئی گریباں چاک
ہوا نہ زور سے اس کے کوئی گریباں چاک
اگرچہ مغربیوں کا جنوں بھی تھا چالاک
مے يقيں سے ضمير حيات ہے پرسوز
مدرسہ يا رب يہ آب آتش ناک نصيب
آب آتش ناک: آگ بھرا پانی۔
عروج آدم خاکی کے منتظر ہیں تمام
یہ کہکشاں، یہ ستارے، یہ نیلگوں افلاک
یہی زمانہ حاضر کی کائنات ہے کیا
دماغ روشن و دل تیرہ و نگہ بے باک
دل تيرہ: دل کے اندر کا اندھیرا۔
تو بے بصر ہو تو یہ مانع نگاہ بھی ہے
وگرنہ آگ ہے مومن، جہاں خس و خاشاک
بے بصر: بینائی سے محروم۔
خس و خاشاک: گھاس پھوس۔
زمانہ عقل کو سمجھا ہوا ہے مشعل راہ
کسے خبر کہ جنوں بھی ہے صاحب ادراک
صاحب ادراک: عقل و فہم والا۔
جہاں تمام ہے میراث مرد مومن کی
میرے کلام پہ حجت ہے نکتہ لولاک
لولاک: مراد ہے محمد (صلعم) جن کو صاحب لولاک بھی کہتے ہیں۔
